ताज्याघडामोडी

कोर्लई येथे मच्छी उतरणी केंद्राचा शानदार शुभारंभ

मुरूड तालुक्यात दोन्ही जिल्हा परिषद विभागात करोंडाचा विकास निधी -आमदार महेंद्र दळवी
कोर्लई येथे मच्छी उतरणी केंद्राचा शानदार शुभारंभ
रेवदंडा-महेंद्र खैरे- कोटयावधीचा विकास निधी मतदार संघाचा आमदार म्हणून आणला असून अनेक जेट्टी, मंदिरे, बांधकाम केले आहेच, परंतू मुरूड तालुक्यातील दोन्ही जिल्हा परिषदेतील गावागावात, ग्रामपंचायतीत भरघोस निधी उपलब्ध करून सर्वागिण विकास करण्याचा निश्चित प्रयत्न केला आहे, असे ठोस प्रतिपादन आमदार महेंद्र दळवी यांनी कोर्लई येथे केले. यावेळी कोर्लई येथील शंकर मंदिराच्या नुतनीकरणासाठी निश्चित निधी उपलब्ध करेन असे आश्वासन सुध्दा दिले.
मुरूड तालुक्यातील कोर्लई येथे क मच्छीमार व्यवसायात समुद्रातून आलेल्या होंडीतील मच्छी उतरणीचा होत असलेली समस्या दुर करण्यासाठी कोळी बांधवाच्या मागणीने मच्छी उतरणी केंद्राचा-जेट्टीचा भुमिपुजन गुरूवात दि. 6 नोव्हेबर 2025 रोजी सायकांळी 4.00 वाजता आयोजीत करण्यात आला होता, कोर्लई शंकर मंदिराचे समोरील समुद्र किनारी 30 बाय 30 चा चौधरा व तेथून 180 मीटर समुद्रात आत जेट्टी कामास सुमारे 6 कोटी 48 लाख रूपये निधी प्रधानमंत्री मच्छ संपदा अंतर्गत मंजूर करण्यात आला आहे.
या कार्यक्रमास आमदार महेंद्र दळवी यांची प्रमुख उपस्थितीसह भाजप जिल्हा सरचिटणीस अँड महेश मोहिते, शिवसेना जिल्हा प्रमुख राजा केणी, उपजिल्हा प्रमुख भरत बेलोसे, मुरूड शिवसेना तालुका प्रमुख निलेश घाटवळ, जेष्ठ कार्यकर्ते सि.एम. ठाकूर, युवासेना तालुका प्रमुख अमोल लाड, उपतालुका प्रमुख विकी वेगस, रेवदंडा ग्रा.प. सरपंच प्रफुल्ल मोरे, शिवसेना उपतालुका प्रमुख भगिरथ पाटील, काकळघर ग्रा.प.सरपंच स्वस्तिक ठाकूर, तळेखार ग्रा.प. सरपंच विजय घाणेकर, बोर्ली ग्रा.प. सरपंच सपना जायपाटील, सुरेश पालवणकर, सुरेश ठाकूर, शिवसेना जिल्हा महिला प्रमुख तृप्ती पाटील, मुरूड तालुका महिला संघटिका निर्मला म्हात्रे, महिला विभाग संघटक वैशाली रोटकर, जयश्रीताई पाटील, रेखा डोलकर, नंदिनी चोरढेकर, अपर्णा पाटील, रसिका कणगी, सुवर्णा पाटील, लक्ष्मीबाई बलकवडे,सिध्दाई भोसले, तसेच दत्ताराम पाटील, जयेश म्हात्रे, प्रभाकर मुरूडकर, प्रकाश बलकवडे, प्रशांत भोय, उपेंद्र बलकवडे, संतोष चोरढेकर, लक्ष्मण मुरूडकर, संजय नवघरकर आदी मोठया संख्येने कोर्लई ग्रामस्थ व महिला यांची उपस्थिती होती.
कार्यक्रमाचे स्थळी आमदार महेंद्र दळवी आणि पदाधिकारी यांचे जोरदार स्वागत करण्यात आले, त्यानंतर महिलांनी औक्षण केले. यावेळी आमदार महेंद्र दळवी यांची भव्य मिरवणूक करण्यात आली, प्रथम आमदार महेंद्र दळवी यांनी शिवमंदिरात यथोचीत पुजाअर्चा केल्यानंतर शंकर मंदिरा समोरील समुद्र किनारी उपस्थित मान्यवर पदाधिकारी यांचे हस्ते श्रीफळ वाढविण्यात आला. त्यानंतर शिवमंदिराचे सभागृहात स्वागत समारंभ आयोजीत करण्यात आला होता, यावेळी शिवसेना उपतालुका प्रमुख भगिरथ पाटील यांनी आमदार महेंद्र दळवी यांच्या शाल,श्रीफळ व पुष्पगूच्छ प्रदान करून सत्कार केला. यावेळी भाजप जिल्हा सरचिटणीस अँड महेश मोहिते यांच्या सत्कार आमदार महेंद दळवी यांनी शाल,श्रीफळ व पुष्पगूच्छ प्रदान करून केला. तसेच इतर मान्यवरांचे स्वागत विकी वेगस, अमोल लाड, जयेश म्हात्रे तसेच महिला सदस्यांनी केले. यावेळी उपस्थितांना अँड महेश मोहिते यांनी मार्गदर्शन करताना, आमदार महेंद दळवी यांनी मतदार संघात केलेल्या विकास कामांचे व कार्याचे कौतूक केले. कार्यक्रमाचे प्रास्ताविक शिवसेना मुरूड उपतालुका प्रमुख भगिरथ पाटील यांनी केले.

Leave a Reply

Your email address will not be published. Required fields are marked *