उसर गेल कंपनीच्या सिईआर च्या माध्यमातील विविध विकास कामाचा शुभारंभ

वळवळी येथे पाणी साठवण टाकीचा उध्दाटन सोहळा
उसर गेल कंपनीच्या सिईआर च्या माध्यमातील विविध विकास कामाचा शुभारंभ
रेवदंडा-महेंद्र खैरे- अलिबाग तालुक्यातील उसर येथील भारत सरकारच्या गेल इंडिया लिमिटेड कंपनीच्या कॉपोरेट पर्यावरण दायित्व विभागाच्या सिईआर अंतर्गत वळवळी येथे पाणी साठवण टाकीचा उध्दाटन सोहळा उत्साहात संपन्न झाला. यावेळी बेलोशी ग्रा.प. अंतर्गत विकास कामाचे उध्दाटन झाल्याचे जाहीर करण्यात आले. बेलोशी ग्रामपंचायत अंतर्गत वळवळी आदिवासी वाडी येथे उसर गेल इंडिया लिमिटेड कंपनीच्या कॉपोरेट पर्यावरण दायित्व विभागाच्या सिईआर अंतर्गत पाणी साठवण टाकी बांधण्यात आली आहे. या पाणी साठवण टाकीचा उध्दाटन सोहळा गुरूवार दि. 20 नोव्हेंबर 2025 रोजी सकाळी अकरा वाजता बेलोशी ग्रामपंचायतीच्या मार्फत आयोजीत करण्यात आला होता.
या प्रसंगी उसर गेल इंडिया कंपनीचे कार्यकारी निर्देशक अनुप गुप्ता यांच्या प्रमुख उपस्थितीसह उसर गेल इंडिया कंपनीचे महाप्रंबधक मानव प्रसंसाधन विभागाचे जितिन सक्सैना, उसर गेल इंडिया कंपनी उप महाप्रबंधक जी.एस.नागेवाडी तसेच बेलोशी ग्रा.प. प्रशासक अधिकारी अनिल गोतकर, ग्रा.प.अधिकारी देवगंना वेटकोळी, बेलोशी ग्रा.प. माजी सरपंच कृष्णा भोपी, तसेच माजी ग्रा.प.सरपंच नारायण कातकरी, माजी ग्रा.प.सदस्य संदिप भोईर, गणिता कारभारी, उदय सांदणकर, प्रचिती पाटील, नंदकुमार काटले, अनंता औचटकर, तसेच गिरीष पाटील, नरेश ठाकूर, केतन भोपी, रोशन भोपी, सुधाकर भोपी, मुकेश भोपी, प्रविण राणे, व बेलोशी व वळवळी ग्रामस्थ यांची उपस्थिती होती. कार्यक्रमाचे नियोजन व सुत्रसंचलन राकेश भोपी यांनी केले.
प्रारंभी उपस्थित मान्यवरांचे हस्ते श्री गणेशाच पुजन व श्रीफळ वाढविण्यात आले, त्यानंतर उसर गेल इंडिया कंपनीचे कार्यकारी निर्देशक अनुप गुप्ता यांचे शुभ हस्ते वळवळी पाणी साळवण टाकीचे उध्दाटन फित कापून तसेच श्रीफळ वाढवून करण्यात आले. तत्पुर्वी बेलोशी ग्रामपंचायतीचे वतीने उपस्थित मान्यवरांचे स्वागत शाल,श्रीफळ व पुष्पगूच्छ प्रदान करून करण्यात आले. यावेळी बेलोशी ग्रा.प. हद्दीतील उसर गेल इंडिया लिमिटेड कंपनीच्या कॉपोरेट पर्यावरण दायित्व विभागाच्या सिईआर अंतर्गत पाणी साठवण टाकी सह धोकवडे तलाव सरक्षंण भिंत, महाजने नदी सरक्षंण भिंत, कळकीचा टेप येथील बंधारा, गाणीच्या तलावास सरक्षंण भिंत आदी कामाचे उध्दाटन झाल्याचे जाहीर करण्यात आले.
गेल इंडिया लिमिटेड कंपनीच्या कॉपोरेंट पर्यावरण दायित्व सिईआर अंतर्गत विविध उपक्रमाव्दारे शाश्वत विकासाला चालना देते, गेल इंडिया कपंनीचे रायगड जिल्हात अलिबाग तालुक्यात मौजे उसर येथे प्रोपेन डिहायड्रोजेनेशन पॉलिप्रोपायलीन पिडीएच पी पी प्रकल्पाअंतर्गत कंपनी परिसरातील आसपासच्या गावाच्या विकासासाठी कॉपोरेट पर्यावरण दायित्वाच्या सिईआर अंतर्गत अनेक सार्वजनिक विकासात्मक कामे हाती घेतली आहेत. ही सर्व कामे सिईआर योजनेअंतर्गत करण्यात येणारी कामे परिसरातील स्थानिक ग्रामपंचायतीचे व्दारे आणी रायगड जिल्हा परिषदेच्या नियत्रंणामार्फत केली जात आहेत. ज्यामध्ये पिण्याचे पाण्याचे आर ओ प्लॅट, पाणी साठवणीचा टाक्या, सौरपथ दिवे, शाळा-अंगणवाडयाचे सुशोभिकरण आणि डिजिटलाझेशन, तलावाचे बांधकाम, बस स्टँड बांधकाम, उंच प्रकाशस्तंभ असलेली लाईट, इत्यादी पायाभुत सुविधाचा समावेश असल्याने अशा विकास कामांचा लाभ संबधीत गावांत रहात असलेल्या तळागाळातील सर्व लोकांना निरंतर मिळावा असा गेल कंपनीचा मुख्य उद्देश असल्याचे सांगण्यात आले. तसेच गेल कंपनीच्या सिईआर अंतर्गत करावयाची कामे जिल्हाधिकारी कार्यालय,रायगड यांचे आदेशानुसार गेल-उसर प्रकल्पाचे आसपासचे गावात सिईआरच्या माध्यमातून आजपर्यंत अंदाजे 14.77 कोटीची विकास कामे मंजूर करण्यात आली आहेत. त्यापैकी आजपर्यतं रूपये 3.23 कोटीची विकास कामे पुर्ण करण्यात आली असून उर्वरीत सार्वजनिक विकासात्मक कामे चालू असून ती लवकरात लवकर पुर्ण करण्याची कार्यवाही सुरू असल्याची माहिती उसर गेल इंडिया कंपनीचे कार्यकारी निर्देशक अनुप गुप्ता यांनी उपस्थित ग्रामस्थांना मार्गदर्शन करताना सांगितले.