शेकापक्षाचे अनेक कार्यकर्ताचा भाजपमध्ये पक्ष प्रवेश

उसरोली जि.प. गटात भाजपची वाढती ताकद
अँड महेश मोहिते व अँड आस्वाद पाटील यांचा शेकापक्षाला दे धक्का
शेकापक्षाचे अनेक कार्यकर्ताचा भाजपमध्ये पक्ष प्रवेश
रेवदंडा-महेंद्र खैरे-आगामी जिल्हा परिषद निवडणूकीच्या निमित्ताने उसरोली जि.प.गटात भाजपची ताकद वाढीस जात आहे. भाजपचे जिल्हा सरचिटणीस अँड महेश मोहिते व अँड आस्वाद पाटील या व्दयीच्या प्रयत्नोन शेकापक्षाचे काही मातब्बर कार्यकर्त्याना भाजप मध्ये दाखल झाले आहे. एकदंरीत भाजप पक्ष उसरोली जि.प.गटात प्रबल होत असून त्यांनी शेकापक्षा दे धक्का हे तंत्र अवलंबले आहे.
अलिबाग येथील भाजप जिल्हा कार्यालयात रविवार दि. 9 नोव्हेबर रोजी सकाळी 11 वाजत पक्ष प्रवेश कार्यक्रम आयोजीत करण्यात आला होता. यावेळी भाजप सरचिटणी अँड महेश मोहिते, उसरोली जि.प. गटाच्या संभाव्य उमेदवार अँड मनस्वी मोहिते, पल्लवी तुळपुले, महेंद्र चौलकर, दक्षिण अलिबाग मंडळ अध्यक्ष अशोक वारगे, आदी प्रमुख मान्यवरासह शेकापक्षाचे पक्ष प्रवेश कार्यकर्ते शेकापक्षाचे बोर्ली ग्रा.प.शेकापक्षाचे माजी सरपंच चेतन जावसेन, बोर्ली कार्यकर्ते असिफ कोर्लेकर, देवेंद्र नटे, बारशीव, जितेंद्र भगत बोर्ली, तसेच यापुर्वीच शेकापक्षातून भाजप मध्ये प्रवेश घेतलेले, चिचंघरचे एम.एम.ठाकूर, अँड मोहनिश ठाकूर, यांची प्रमुख उपस्थितीसह भाजप कार्यकर्ते संदिप चिरायू, गणेश कट, शेषनाथ कानुगोजे, महेश मानकर, धर्माजी हिरवे, अनिल नांदगावकर, आदीची उपस्थिती होती.
या प्रसंगी अँड आस्वाद पाटील यांनी सरपंच चेतन जावसेन, असिफ कोर्लेकर, देवेंद्र नटे, बारशीव, जितेंद्र भगत बोर्ली, यांचे भाजप पक्षात स्वागत केले. यावेळी उपस्थितांना मार्गदर्शन करताना ॲड महेश मोहिते यांनी म्हटले की, भाजप ही विकासभिमूख विचारसरणी असलेली पक्षसंस्था आहे. ग्रामीण भागातील प्रगतीसाठी आणि सर्वसामान्याच्या हितासाठी काम करणाऱ्यांचे स्वागत भाजप नेहमीच करतो. बोर्ली येथील माजी सरपंच चेतन जावसेन व इतर सहकारी यांचे भाजप पक्ष प्रवेशाने बोर्ली परिसरात भाजपचा पाया अधिक मजबूत होईल, व पक्ष प्रवेश करणाऱ्या कार्यकर्त्याला बळ दिले जाईल असे म्हटले तर पक्ष प्रवेश घेतलेले माजी सरपंच चेतन जावसेन यांनी म्हटले की, विकास कामाना गती देण्यासाठी आणि लोकापर्यंत सरकारी योजना प्रभावीपणे पोहोचविण्यासाठी भाजप सोबत काम करण्याचा निर्णय घेतला असे म्हटले.
उसरोली जि.प. गटात भाजपचे वाढती ताकद निश्चितच विरोधकांना आव्हान ठरणार असून येत्या निवडणूकीत काटे की टक्कर पहावयास मिळेल. मात्र शेकापक्षाचे अनेक मातब्बर मंडळी पक्ष सोडून जात असल्याने शेकापक्षाचे नेतेमंडळीना निश्चितच आत्मचिंतनाची गरज भासते.