चौल श्री रामेश्वर मंदिरात दीपोत्सव

चौल श्री रामेश्वर मंदिरात दीपोत्सव
रेवदंडा-महेंद्र खैरे-चौल येथील श्री रामेश्वर मंदिरात त्रिपुरा पौर्णिमेच्या निमित्ताने दीपोत्सव साजरा करण्यात आला. मंदिराव एल.ई.डी. दिव्याची विदयुत रोषनाई करण्यात आली होती. विदयुत दिव्याच्या विविध प्रकाशाने मंदिर व मंदिर परिसर न्हावून निघाला होता. मंदिरा समोरील पुष्करणीत विदयुत रोषनाईने या मंदिराचे पडणारे प्रतिबिंब अधिकच खुलून दिसत होते. यावेळी शोभेच्या फटाक्याची आतषबाजी करण्यात आली. हा दिव्याचा नयनरम्य सोहळा डोळयात साठवून ठेवण्यासाठी परिसरातील नागरीक तसेच पर्यटक व भाविक यांनी गर्दी केली होती.
त्रिपुरारी पोर्ण्ािमेला दिव्यांची आरास करून देव दिवाळी साजरी केली जाते. सात्विक मनं एकत्र करून दैवी शक्ती निर्माण करून दैत्याचा नाश करा, सदाचार सदविचार, अंगिकारा, असा संदेश देण्यासाठी त्रिपुरारी पोर्णिमा साजरी केली जाते. त्रिपुरासुर राक्षसाने ब्रम्हदेवाकडून खडतर तपस्या करून आपल्याला शत्रुपासून धोका राहणार नाही, असा वर प्राप्त करून घेतला, व त्या वराचा फायदा घेवून त्याचे देवांना त्रास दयायला सुरूवात केली. देवानी मग शिवशंकराकडे मदतीची प्रार्थना केली. आणि मग शंकराने त्याचा अवतार दाखवला, आणि त्रिपुरासुराचा वध केला. देव दिवाळीतला हा दिवस त्रिपुरारी पोर्णिमा म्हणून साजरा केला जातो. या शिवाय या पोर्णिमेला कार्तिक पोर्णिमा म्हणजेच इतर सर्व पोर्णिमेपेक्षा मोठी असल्याचे सांगितले जाते. त्यामुळे या पोर्णिमेला विशेष्ा महत्व आहे.
चौल मधील श्री रामेश्वर मंदिरातील दीपोत्सव रामेश्वर मित्रमंडळाचे वतीने साजरा करण्यात येतो, या निमित्त विदयुत रोषणाई स्वरा लाईस एलईडी लाईट अलिबाग आणि अंकित डेकोरेटर्स थेरोंडा यांनी केली होती. या साठी अलिबागचे तन्मेश ज्वेलर्सचे उमेश मोरे यांनी विशेष सहकार्य होते.