विधानसभा मतदार संघातील जिल्हा परिषद व पंचायत समितीच्या सर्व जागा जिंकणार-आमदार महेंद्र दळवी

विधानसभा मतदार संघातील जिल्हा परिषद व पंचायत समितीच्या सर्व जागा जिंकणार-आमदार महेंद्र दळवी
रेवदंडा-महेंद्र खैरे-कार्यकर्त्याचा उत्साह पहाता, अलिबाग विधानसभा मतदार संघातील आगामी जिल्हा परिषदेच्या दहा जागा व पंचायत समितीच्या 20 जागा निवडणूकीत जिंकणार असे आत्मविश्वासाने सांगून सांबरकुंड धरण नक्कीच मार्गी लावणार यांची ग्वाही दिली तसेच अलिबाग-रोहा रस्ता काँक्रिटीकरण व नुतनीकरणाचे काम घेतले नसताना, त्या रस्ताचे विलंब कारणे खापर फोडले जात असल्याची खंत आंबेपुर येथील विकास कामाचे भुमिपुजन व लोकार्पण सोहळा कार्यक्रमात व्यक्त केली.
अलिबाग तालुक्यात वरंडे ग्रामपंचायत हद्दीतील आंबेपुर येथे विविध विकास कामाचे भुमिपुजन व लोकार्पण सोहळा कार्यक्रमाचे आयोजन मंगळवार दि. 25 नोव्हेबर रोजी सकाळी 10.00 वाजता आंबेपुर ग्रामस्थांचे वतीने करण्यात आले होते. प्रसंगी आमदार महेंद्र दळवी हे प्रमुख्ा अतिथी म्हणून उपस्थित होते, तसेच गेल इंडिया लि. उसर प्रकल्प अधिकारी अनुप गुप्ता, जीतेश सक्सेना, महेंद्र म्हात्रे तसेच तालुका प्रमुख अनंत गोंधळी,सचिन राउळ, सुरेश म्हात्रे, संतोष निगडे, शैलेश चव्हाण, संकेत राउत, आदी मान्यवरासह वरंडे ग्रा.प. माजी सरपंच सुधीर चेरकर, माजी सरपंच दिपश्री चेरकर, महेंद्र चौलकर, जान्हवी चेरकर, प्रयाग चेरकर,वृंदा भोईलकर, राजेंद्र चेरकर, लक्ष्मण भगत, संगिता चौलकर, महेश भोईलकर, विनया थळे, आदी मान्यवरांसह वरंडे, देवघर, आंदोशी, आंबेपुर ग्रामस्थ व महिला यांची उपस्थिती होती.
प्रारंभी आमदार महेंद्र दळव्ाी यांचे आंबेपुर ग्रामस्थांचे वतीने फटाक्याचे आतषबाजीने जोरदार स्वागत करण्यात आले त्यानंतर आमदार महेंद्र दळवी यांनी येथील श्री गणेश मंदिरात दर्शनाचा लाभ घेतला. त्यानंतर श्री गणेश मंदिराचे प्रांगणात स्वागत कार्यक्रम घेण्यात आला, आंबेपुर ग्रामस्थांचे वतीने आमदार महेंद दळवी यांचे शाल,श्रीफळ व पुष्पगूच्छ प्रदान करून स्वागत करण्यात आले. तसेच इतर मान्यवरांना पुष्पगूच्छ प्रदान करून यथोचीत सन्मान करण्यात आला.
यावेळी आमदार महेंद्र दळवी यांचे निधीतून आंबेपुर मल्याण स्टॉप ते आंबेपुर शिवफाटा रस्ता डांबरीकरण करणे 23 लाख रूपये निधी, आंबेपुर स्मशानभुमी चबुतरा व शेडचे बांधकाम करणे 5 लाख रूपये निधी, आंबेपुर राजिप शाळा दुरूस्ती करणे व स्वच्छतागृह दुरूस्ती करणे 4 लाख रूपये करण्यात येत आहे. या कामाचे भुमिपुजन आमदार महेंद्र दळवी व इतर मान्यवर यांचे हस्ते करण्यात आले.