रेवदंडा मोठा कोळीवाडा श्री खंडेराय मंदिरातील मुर्तीची चोरी-एकावर गुन्हा दाखल

रेवदंडा मोठा कोळीवाडा श्री खंडेराय मंदिरातील मुर्तीची चोरी-एकावर गुन्हा दाखल
रेवदंडा-महेंद्र खैरे- रेवदंडा मोठा कोळीवाडा येथील श्री खंडेराय मंदिरातील चांदीच्या मुर्तीची चोरी झाल्याची घटना घडल्ाी असून रेवदंडा पोलिसांनी आरोपीवर गुन्हा दाखल केला आहे, मात्र त्यास अटक करण्यात आलेली नाही.
रेवदंडा मोठा कोळीवाडा येथील श्री खंडेराय मंदिरात दि. 21 नोव्हेबर रोजी रात्री 10.00 ते दि. 22 नोव्हेबर रोजी सकाळी 5.30 चे दरम्यान थेरोंडा येथील सराईत गुन्हेगार महेश नंदकुमार चायनाखवा यांने प्रवेश करून मंदिरातील देव्हाऱ्यातील 100 ग्रॅम वजनाची रूपये 6 हजार किमंतीचे खंडोबा देवाची चांदीची मुर्ती, 100 ग्रॅम वजनाची 6 हजार रूपये किमंतीची भैरवनाथ देवाच्या चांदीची मुर्ती, 100 ग्रँम वजनाची रूपये 6 हजार किमंतीची कुलस्वामीनी देवीची चांदीची मुर्ती, 100 ग्रँम वजनाची रूपये 6 हजार किमंतीची महिसासुरमरदिनी देवीची चांदीची मुर्ती,100 ग्रँम वजनाची रूपये 6 हजार किमंतीची वाघजाई5 देवीची चांदीची मुर्ती,500 रूपये किमंतीची गणपतीची चांदीचा मुलामा दिलेली धातूची मुर्ती, असे एकूण 30 हजार 500 रूपयांचा ऐवज चोरीस गेल्याची तक्रार रेवदंडा पोलिस ठाणे येथे मोठा कोळीवाडा ग्रामस्थ हेमंत गुंडा यांनी दिली आहे.
रेवदंडा पोलिसांनी या चोरी तपासात सराईत गुन्हेगार थेरोंडा येथील महेश चायनाखवा यांचेवर भारतीय न्याय संहिता 2023 चे कलम 305 ड नुसार गुन्हा दाखल केला आहे. मात्र आरोपीस तपासासाठी ताब्यात घेतले असून अदयापी अटक केली नसल्याचे रेवदंडा पोलिसांकडून सांगण्यात येते. रेवदंडा पोलिस ठाण्याचे पोसई गांगुर्डे पुढील तपास पोलिस ठाणे इन्चार्ज सपोनि श्रीकांत किरविले यांचे मार्गदर्शनाखाली करत आहेत.
या प्रकरणात गुन्हा दाखल झालेल्या सराईत आरोपी महेश चायनाखवा यांचेवर रेवदंडा पोलिस ठाणे येथे 119/2023 ने भादवी 380,457, तसेच 148/2024 ने भा.न्या.स.कलम 305, पेण पोलिस ठाणे येथे 133/2025 ने भा.न्या.सं. कलम 305 ड, 13 , पेण पोलिस ठाणे येथे गु.र.क्र. 135/2025 भा.न्या.स.कलम 305 ड, 13 ,अलिबाग पोलिस ठाणे येथे 228/2025 नुसार 305 ड, वडखळ पोलिस ठाणे येथे 81/2025 305 ड, 13 , ने गुन्हे दाखल आहेत.