नागाव ते आक्षी बीच पर्यटन विकासासाठी 300 कोटीचा निधी- आमदार महेंद्र दळवी

नागाव ते आक्षी बीच पर्यटन विकासासाठी 300 कोटीचा निधी- आमदार महेंद्र दळवी
रेवदंडा-महेंद्र खैरे-नागाव ते आक्षी बीच पर्यटन विकासासाठी 300 कोटी निधीची मंजूरी महाराष्ट्र शासनाच्या पर्यटन विकास विभाग अंतर्गत मंजूर झाल्याची माहिती आमदार महेंद दळवी यांनी नागाव ग्रामपंचायतीच्या सामाजीक सभागृहात दिली. यावेळी नागाव ते आक्ष्ाी बीच पर्यटन विकासाचे डेमो संकल्पना चित्रफीतीव्दारे उपस्थित ग्रामस्थांना दाखविण्यात आले.
नागाव ग्रामपंचायतीच्या सामाजीक सभागृहात नागाव ते आक्षी बीच पर्यटन विकास डेमो संकल्पना चित्रफिती व्दारे दाखविण्याचा कार्यक्रम आयोजीत करण्यात आला होता. या प्रसंगी आमदार महेंद्र दळवी यांच्या प्रमुख उपस्थितीसह उपजिल्हाधिकारी संदेश शिर्के, प्रांत अधिकारी मुकेश चव्हाण, उपमुख्यकार्यकारी अधिकारी राजिप ग्रा.प. राहूल तनपुरे, जिल्हा ग्रामीण यंत्रणा प्रकल्प संचालक प्रियदर्शनी मोरे, माजी जिल्हा परिषद सदस्य व्दारकानाथ नाईक, शिवसेना अलिबाग तालुका प्रमुख अनंत गोंधळी, शिवसेना तालुका खजिनदार सुरेश म्हात्रे, जिल्हा नियोजन समिती सदस्य संतोष निगडे, सचिन राउळ, यांच्या प्रमुख उपस्थितीसह नागाव ग्रा.प.सरपंच हर्षदा मयेकर,उपसरपंच सुरेंद्र नागलेकर,ग्रा.प.अधिकारी श्वेता संजय कदम,ग्रा.प.सदस्य निखिल मयेकर, आदेश मोरे, ग्रा.प. सदस्या अंकिता चेतन शेवडे, मंगळा रविद्र नागे, निकिता नितिन पाडेकर,विणा विकास पिंपळे,प्रियंका प्रदिप काटे,सुप्रिया संजय म्हात्रे, विणा जयदीप भगत आदी मान्यवरासह मोठया संख्येने नागाव ग्रामस्थ्ा व महिला यांची उपस्थिती होती.
कार्यक्रमाचे सुरूवातीस नागाव ग्रामपंचायतीचे वतीने आमदार महेंद दळवी व उपस्थित शासकीय अधिकारी यांचे स्वागत पुष्पगूच्छ प्रदान करून सरपंच हर्षदा मयेकर यांनी केले. त्यानंतर नागाव ग्रामपंचायतीच्या सरपंच हर्षदा मयेकर यांनी प्रास्ताविकेत कार्यक्रमाची माहिती दिली. नागाव ते आक्षी बीच पर्यटन विकासासाठी 300 कोटी निधीची मंजूरी महाराष्ट्र शासनाच्या पर्यटन विकास विभाग अंतर्गत मंजूर झाल्याची माहिती आमदार महेंद दळवी यांनी नागाव ग्रामस्थांना दिली. नागाव ते आक्षी बीच पर्यटन विकासासाठी महाराष्ट्र शासनाचा 300 कोटीचा पर्यटन विकास निधी आमदार महेंद्र दळवी यांच्या पाठपुराव्याने व प्रयत्नाने उपलब्ध झाला असल्याची माहिती देण्यात आली.