वाडगाव येथे दहावी परिक्षा विदयार्थ्याना मार्गदर्शन शिबीर संपन्न
वाडगाव येथे दहावी परिक्षा विदयार्थ्याना मार्गदर्शन शिबीर संपन्न
रेवदंडा-महेंद्र खैरे- अलिबाग तालुक्यातील वाडगाव येथे एस.एस.सी.बोर्ड इयत्ता दहावी परिक्षा पुर्व मार्गदर्शन शिबीरास तज्ञ शिक्षक वर्गाचे मार्गदर्शन व विदयार्थ्याचे मोठया प्रतिसाद लाभला.
वाडगाव सामाजीक सेवाभावी संस्था यांचे विदयमाने व वाडगाव ग्रामपंचायतीच्या सहकार्याने वाडगाव राजिप शाळा सभागृहात रविवार दि. 23 नोव्हेबर 2025 रेजी सकाळी 8.30 ते सायकांळी 5.00 दरम्यान एस.एस.सी.बोर्ड इयत्ता दहावी परिक्षा पुर्व मार्गदर्शन शिबीराचे आयोजन करण्यात आले होते, या शिबीरास इंग्रजी-अँड डॉ.के.डी.पाटील, समाजशास्त्र-शुभांगी भगत, गणित-एस.के. म्हात्रे, मराठी-नेहा थळे, हिंदी-संस्कृत बिपीन राउत व करंदीकर, विज्ञान-अंकिता भानुशाली या तज्ञ शिक्षकवर्गाचे मार्गदर्शन विदयार्थ्याना लाभले.
या मार्गदर्शन शिबीरास वाडगाव ग्रामपंचायतीचा माजी सरपंच सरिता भगत, विदयमान सरपंच सारिका पवार उपसरपंच जयेंद्र भगत तसेच सामाजीक सेवा भावी संस्थेचे पदाधिकरी, कार्यकर्ते यांच्यासह राजिप शाळा वाडगाव यांची उपस्थिती होती. उपस्थित मार्गदर्शक तज्ञ शिक्षकवर्ग व उपस्थित मान्यवर मंडळी यांचे स्वागत वाडगाव सामाजीक सेवाभावी संस्था व राजिप शाळा वाडगाव यांचे हस्ते पुष्पगूच्छ प्रदान करून करण्यात आले.







