महिलांचा आदर झाला पाहिजे-सरपंच राजश्री मिसाळ

कोर्लई ग्रामपंचायतीत हळदी कुंकू कार्यक्रम संपन्न
सरपंच राजश्री मिसाळ यांनी केले स्वागत, महिलांची मोठी उपस्थिती

रेवदंडा-महेंद्र खैरे-कोर्लई ग्रामपंचायतीत हळदी कुंकू कार्यक्रम नुकताच आयोजीत करण्यात आला होता, या प्रसंगी महिलावर्गाची मोठी उपस्थिती लाभली, कोर्लई ग्रामपंचायत सरपंच राजश्री मिसाळ यांनी उपस्थित महिलावर्गाचे स्वागत केले. यावेळी उपस्थित महिलांना मार्गदर्शन करताना महिलांचा आदर झाला पाहिजे असे उद‍्गार काढले.
कोर्लई ग्रामपंचायतीत राजश्री प्रशांत मिसाळ यांना थेट सरपंचपदाच्या निवडूकीत निवडून गेल्या आहेत, नवनिर्वाचीत सरपंच राजश्री मिसाळ यांनी सांस्कृतिक कार्यक्रम हाती घेऊन महिलावर्गासाठी हळदीकुंकू कार्यक्रमाचे आयोजन करण्यात आले होते. कोर्लई ग्रामपंचायतीच्या सभागृहात हळदीकुंकू कार्यक्रम घेण्यात आला यावेळी मोठया संख्येने महिलावर्गाची उपस्थिती होती.
सुरूवातीस सरपंच राजश्री मिसाळ यांनी उपस्थित महिलावर्गाचे शाब्दीक स्वागत केले, त्यानंतर देवीची पुजाअर्चा करून कार्यक्रमास सुरूवात केली. यावेळी उपस्थित महिलांना सरपंच राजश्री मिसाळ यांनी स्वतः हळदीकुंकू पुढे होत्या. यावेळी महिलांना हळदी कुुंकूसह तिळगूळ सुध्दा वाटप करण्यात आले. उपस्थित महिलावर्गानी सुध्दा कोर्लई ग्रामपंचायतीने आयोजीत हळदीकुंकू कार्यक्रमांस मोठया संख्येने उपस्थित ठेवल्याने कार्यक्रम यशस्वीपणे राबविला गेला.
या वेळी माहिला मार्गदर्शन करताना, महिलांनी विविध उपक्रमांत सहभागी व्हावे असे आवाहन करून महिलांचा आदर झाला पाहिजेच असे उद‍्गार काढले. तसेच प्रथमच कोर्लई ग्रा.प. सरपंच म्हणून हळदी कुंकू कार्यक्रमाचे नियोजनाचा आनंद झाला असल्याचेही त्यांनी म्हटले.